Unha xornada "marabillosa". O primeiro día de traballo do marisqueo a pé nas praias do fondo da ría de Pontevedra deixou o pasado mércores satisfeito ao sector. "Vos prezos foron caralludos", destaca o presidente da lonxa de Campelo, Iago Tomé.
A pesar dos erros informáticos co recentemente estreado sistema de vendas, a poxa da rula de Poio culminou con optimismo para o sector. O quilo de ameixa fina, a do país, chegou ata
A variedade dominante nos areais pontevedreses, a ameixa japónica tamén logrou grandes prezos. A comercialización da extra alcanzou os 19,67 euros, mentres que a de tamaño medio pagouse a 13,74 euros e a de menor escala a 13,12 euros.
Dous mariscadores regresando da faena onte en Lourizán. G. GARCÍA
"A pandemia non afectou aos prezos, todo o contrario", sinala Tomé, que recorda que a lonxa de Campelo mantivo unhas cotizacións altas na venda de ameixa e berberecho a pesar da crise sanitaria.
A pesar das restricións que padeceron a hostalería e a restauración como consecuencia do coronavirus, o valor dos bivalvos parece vivir alleo a esta situación. De feito, o marisqueo asinou en decembro de 2020 a mellor campaña do Nadal da historia. E todo iso grazas a unha facturación de 1,85 millóns de euros, a maior desde que existen rexistros, motivado polos prezos da ameixa fina, que rozou os 72 euros o quilo, e os marcas de capturas da japónica.
Nos primeiros seis meses de 2021, a poxa de bivalvos na rula de Poio superou as 227 toneladas e os 2,7 millóns de euros, o que supón que o 98% do volume de negocio desta instalación procede destas especies, concretamente das ameixas babosa, fina e japónica e do berberecho.
A apertura das campañas para a captura da nécora e o polbo resta embarcacións ao marisqueo á boia na ría de Pontevedra
DE ESGUELLO. A pesar das boas cifras, o sector mira de esguello ás toxinas, que o ano pasado obrigaron a executar catro peches extractivos. "O medo sempre está aí, pero ogallá poidamos seguir a traballar así", expón a patroa maior da confraría de San Andrés de Lourizán, Carmen Vázquez Nores.
Ademais do marisqueo a pé, o de á boia continúa a súa actividade na ría. E faio con menos embarcacións das habituais pola apertura das campañas da nécora e o polbo, que restou afluencia.
A última xornada na que as mariscadoras puideron recoller este bivalvo foi o
4.342 QUILOS. A lonxa de Campelo poxou no que vai de ano 4.432 quilos de berberecho. A recollida deste bivalvo iniciouse o pasado verán nos areais pontevedreses logo de anos de parón. Os únicos en extraer este molusco da ría foron os traballadores do marisqueo á boia.
53.358 EUROS. As vendas de berberecho xeraron un movemento económico na rula de Campelo de 53.358 euros entre o 1 de xaneiro e o 30 de xuño deste ano.