O Concello presentou este xoves a programación de verán e os concertos das Festas da Peregrina. "Van ser tres meses de intenso verán, cunha media de 50 actividades por mes", asegurou a concelleira de Festas, Carme da Silva.
A denominada Semana Grande de Pontevedra celebrarase do 9 ao 19 de agosto. Serán once días de actividades e actuacións que comezarán con Aquí Cantar, que levará o repertorio de cantos tabernarios polas rúas e prazas da cidade o 9 de agosto a partir das 21.00 horas.
Os concertos das Festas da Peregrina arrincarán o sábado 10 de agosto, previa lectura do pregón a cargo do xornalista e escritor Manuel Jabois.
Estes serán algúns dos eventos do cartel:
Sábado 10. Tequila e Fondo Norte na Praza de España. 22.30 horas
Domingo 11. Ana Belén. Praza de España. 22.30 horas
Luns 12. Máxima in con José Manuel Duro, Ramsés López, Arturo e Pablo Méndez Performances. Praza de España 22.30 horas.
Martes 13. Broken Peach (Praza da Ferrería. 21.00 horas) e Rozalén (Praza de España. 22.30 horas).
Mércores 14. Shrek, o musical (Na Praza de España. 21.00 horas) e concerto de Fredi Leis (Praza da Ferrería. 22.30 horas)
Xoves 15. Furious Monkey House (Praza da Ferrería. 21.00 horas) e Mitic (Praza de España. 22.30 horas)
Venres 16. Iván Ferreiro. Praza de España. 22.30 horas
Sábado 17. Banda Xangai (Praza da Ferrería. 21.00 horas) e Beret (Praza de España. 22.30 horas)
Domingo 18. Lola Índigo. Praza de España. 22.30 horas.
