A familia dun mozo de 17 anos de Puertollano (Cidade Real) confirmou este mércores a aparición en Pontevedra do menor, san e salvo, logo de fuxir do seu domicilio e atoparse en paradoiro descoñecido durante dous días. 

Os pais do menor denunciaron a súa desaparición o luns. O mozo deixara unha nota indicando a súa intención de marcharse de casa, unha ameaza que finalmente cumpriu. 

A Policía Nacional de Cidade Real iniciou as investigacións en base á citada denuncia, aínda que en ningún caso chegouse a activar o protocolo de procura, pois os axentes contaban con pistas: o mozo pensaba viaxar a Pontevedra para visitar a unha amiga.