Novas pintadas ameazantes fronte á casa de Carme da Silva. A candidata do BNG ao Congreso pola provincia de Pontevedra compareceu este martes á beira do seu domicilio para denunciar estes actos vandálicos, que lle lanzan a seguinte advertencia: "Atenta".
Da Silva, que é tenente de alcalde e edil de Seguridá Cidadá en Pontevedra, vinvula as pintadas "á mafia" e aos "esbirros" de Ence. Tamén "á dereita".
O grafiti, que inclúe unha diana e lazos de cor verde, é case igual á que sufriu o luns o PSOE. Da Silva condenou publicamente estes comportamentos, aos que afectan a calquera partido ou persoa, e instou a Fiscalía a actuar de oficio e abrir unha investigación. Considera que estes non son feitos meramente electorais, senón que van máis aló.