A Asociación pola Defensa dá Ría de Pontevedra (APDR) presentou alegacións tanto á ampliación da EDAR dos Praceres como á proposta de autorización de vertedura para esta depuradora e o emisario submarino, reclamando a retirada do proxecto e esixindo unha nova tramitación.
Segundo explicaron este mércores en rolda de prensa Antón
Así, a entidade cuestiona o xeito de tramitar "pola vía simplificada" a Avaliación de Impacto Ambiental, xa que entenden que debería facerse pola vía común posto que, na práctica, trátase de facer unha nova EDAR para un total de 302.400 habitantes.
O colectivo ecoloxista cre que a Xunta "xustifica a ampliación de forma tramposa", argumentando que as opcións alternativas serían facer depuradoras en cada un dos concellos ou "non facer nada, e seguir como ata agora, sen depuración na práctica".
Segundo sinalou Antón Masa, a entidade entende "que hai alternativas intermedias", como son: impedir a entrada de auga do mar á rede de saneamento, evitar as augas pluviais que van innecesariamente á EDAR, obstaculizar a entrada de augas residuais que deberían depurarse in situ, como as do porto de Marín e dos polígonos industriais do Campiño e Ponte Caldelas; construír a EDAR de Poio e estudar a posibilidade de que Vilaboa depure as súas augas residuais noutra EDAR.
Tamén consideran que, tomadas estas medidas, habería que mellorar a EDAR de Praceres "en base a tecnoloxías máis compactas" e citan como exemplo a de Reactores Biolóxicos Secuenciales.
TERREOS DE ENCE. Outra das alegacións refírese á alternativa finalmente elixida para que se sitúe nos terreos que hoxe ocupa ENCE. "Non resulta serio falar duns terreos dos que non se dispón", comenta o presidente da APDR, Antón Masa, que recorda que eses terreos, de dominio público, "deberán devolverse ao estado no que se atopaban cando chegou a pasteira" e, en todo caso, "será Costas do Estado quen poida decidir respecto diso".
Ademais doutras cuestións como que son terreos "expostos á inundación" ou que a instalación da nova EDAR está afectada pola PGOM, polo Plan de Ordenamento do Litoral (POL) e polas Directrices de Ordenamento do Territorio (DOT).
Masa tamén engadiu que, a criterio da asociación, deberíase deseñar unha EDAR cuberta, para evitar ou paliar, cando menos, os cheiros, a dispersión de patógenos nos procesos de aireación, os ruídos e os impactos sociais e paisaxísticos".
Finalmente, destaca a APDR, coa alternativa elixida, a contaminación bacteriológica "vai superar con fartura os límites fixados pola normativa vixente para augas de baño e de cultivos mariños".
AUTORIZACIÓN DE VERTEDURA. Pola súa banda, Benito Andrade sinalou que a solicitude de autorización de vertedura é "excesivamente confusa", porque se refire as distintas situacións temporais da EDAR e incluso a distintos emisarios, cando "debería levar a strong <>tramitacións individualizadas e no momento pertinente para cada unha delas".
Na APDR están en desacordo co trazado do emisario e co punto de vertedura polo impacto sobre os bancos marisqueiros e os areais de Portocelo, Aguete e Mogor.
Finalmente, Benito Andrade advertiu de que, de acordo co proxecto presentado, o novo emisario vai ser utilizado exclusivamente para verter as augas residuais urbanas tratadas na EDAR, mentres que aquelas procedentes de ENCE van continuar saíndo polo emisario actual, "unha proposta coa que non podemos concordar" posto que suporá "un beneficio para ENCE xa que as súas augas poden pasar a considerarse augas industriais tendo un mellor trato".
