viernes. 26.02.2021 |
El tiempo
viernes. 26.02.2021
El tiempo

Aprazado un xuízo por abusos sexuais sobre unha menor con atraso madurativo

Audiencia Provincial de Pontevedra. DAVID FREIRE
Audiencia Provincial de Pontevedra. DAVID FREIRE
A razón é para que a defensa do procesado poida realizar unha proba contrapericial sobre a vítima

A Sección Cuarta da Audiencia Provincial de Pontevedra aprazou ata o 12 de marzo o xuízo contra un home acusado de abusar sexualmente dunha menor que sufría un atraso madurativo para que a defensa do procesado poida realizar unha proba contrapericial sobre a vítima. 

Unha contrapericial é un informe que analiza e estuda outro informe feito por outro experto en peritaje. Neste caso, os especialistas accederán ás entrevistas realizadas á vítima sobre as que xa se realizou un primeiro exame, unha circunstancia á que a representación da vítima accedeu. 

A defensa do acusado tamén solicitou ao tribunal que o xuízo se celebre a porta pechada, unha petición á que se opón a Fiscalía que considera que unicamente debe celebrarse a porta pechada a declaración da nena, pero non o resto do xuízo. Tampouco se opón a que aquelas testemuñas que o soliciten declaren en Sala protexidos por un biombo. A decisión coñecerase cando empece a vista oral o próximo 12 de marzo

A Fiscalía demanda 19 anos e dez meses de prisión para un home por abusar sexualmente dunha nena de 14 anos que sufría un atraso madurativo que lle causaba unha discapacidade do 35%, así como pedirlle que lle enviase fotos e vídeos de contido pedófilo

Os feitos tiveron lugar no verán de 2017, cando a menor, que se atopaba en réxime de acollida, acudiu ao domicilio do acusado

A maiores, esixe que o home non poida comunicarse ou achegarse á vítima e que se lle vete a realización de calquera traballo, remunerado ou non, que implique contacto con menores. Pide para a nena unha indemnización de 25.000 euros. A causa procede do Xulgado de Instrución número 3 de Ponteareas. 

Segundo o escrito de acusación do Ministerio Público, os feitos tiveron lugar no verán de 2017, cando a menor, que se atopaba en réxime de acollida, acudiu ao domicilio do acusado, unha persoa relacionada coa súa familia de acollida. 

Aprazado un xuízo por abusos sexuais sobre unha menor con atraso...
comentarios
ç