A área de Pontevedra incorpora dous novos equipamentos de tomografía de coherencia óptica

Permiten o diagnóstico precoz da dexeneración macular asociada á idade, principal causa de diminución da visión en maiores de 55 anos
Hospital de O Salnés. ADP
photo_camera Un dos equipos emprazarase no Hospital do Salnés. ADP

A área sanitaria de Pontevedra e O Salnés dispón de dous novos equipamentos de tomografía de coherencia óptica (OCT) para o diagnóstico precoz da dexeneración macular asociada á idade. Así o explicou esta área sanitaria nun comunicado, no que explica que estas incorporacións de alta tecnoloxía xorden do recente convenio de colaboración entre a área e Novartis. 

Estes dous novos equipos de tomografía de coherencia óptica emprázanse no Centro de Especialidades da Casa do Mar de Mollabao, en Pontevedra, e no Hospital do Salnés, en Vilagarcía de Arousa. 

As mesmas fontes sanitarias destacaron que facilitan o diagnóstico precoz da dexeneración macular asociada á idade e, por outra banda, estes equipamentos oftalmológicos permiten ampliar o circuíto de alta resolución utilizado para o manexo desta patoloxía ocular. 

O xefe de servizo de Oftalmoloxía do Área Sanitaria de Pontevedra, Eloy Viso, explicou que a dexeneración macular asociada á idade "é a causa principal de diminución da visión en maiores de 55 anos".

Comentarios