Os casos activos na área de Pontevedra-O Salnés superaron a barreira dos 9.000. Son, concretamente, 9.175, 267 máis que un día antes, segundo o balance do Sergas deste xoves datos actualizados ata as 18.00 horas do mércores.
A principal conclusión é que a curva da sexta onda aínda non se dobregou, aínda que o incremento diario de casos contívose. E iso débese ao gran número de saltas que se están prescribindo ao día. Foron 543 en 24 horas, o que axuda a mitigar o impacto dos 810 novos positivos notificados polo Sergas e obtidos tanto por PCR como por probas de autodiagnóstico. Os contagios diarios volven subir, iso si, tras os 590 e 716 notificados nas dúas xornadas previas.
A presión hospitalaria mantense en cifras aínda elevadas, e coa previsión de que a cifra de ingresos aumente aínda durante a próxima semana. En total, hai 83 pacientes con covid hospitalizados na área sanitaria, dúas máis que un día antes. Deles, sete están na Uci de Montecelo e o resto, 76, evolucionan en planta. No Chup atópanse 62 persoas (+1), no Hospital do Salnés hai 12 pacientes covid (+1) e no QuirónSalud seguen dous.
Desde o inicio da pandemia curáronse un total de 33.224 persoas na área sanitaria de Pontevedra e O Salnés —543 novas altas—. En canto ás vítimas, faleceron 239. A última morte coñeceuse o pasado domingo, a dun home de 84 anos que estaba a ser atendido no Chup Nas ultimas 24 horas fixéronse 623 PCR na área, para un total de 379.633 xa efectuadas.
Galicia notificou nas últimas 24 horas 6.638 novos contaxios por covid-19, 19 máis que o día anterior, o que deixa o número de casos activos na comunidade en 77.236, nova marca na pandemia, nunha xornada na que caen tanto a incidencia como a presión hospitalaria.
Nesta xornada os ingresos hospitalarios han baixado tanto nas unidades de críticos como en planta, de modo que hai 20 persoas menos hospitalizadas por covid, 588 en total.
Deste xeito, nas uci dos hospitais galegos había ata as 18 horas do mércores 49 pacientes, 6 menos; mentres que en planta había 539, 14 menos que o día anterior.
Nos hospitais galegos a situación segue controlada, moi por baixo da media do país, cunha ocupación en Uci do 6,2 % fronte ao 23,5 do resto de España.
Ademais, nas últimas horas tamén segue baixando a incidencia acumulada, tanto a 14 días como a 7 días.
A sete días, o indicador avanzado, a incidencia cae en Galicia 76 puntos ata os 1.442, mentres que a media sitúase en 1.485, tras unha baixada de 37 puntos nas últimas horas, segundo o Ministerio de Sanidade, o que confirma a tendencia tras a baixada dos últimos días.
Ademais, a 14 días, a incidencia acumulada volve caer e sitúase en Galicia en 3.355 puntos, 71 menos; e na media do país alcanza os 3.286, 20 puntos menos que o día anterior.
Desde o inicio da pandemia contaxiáronse en Galicia 358.495 persoas, das que se curaron 278.447, e faleceron 2.861, tres destas mortes notificadas nas últimas horas.
