viernes. 14.08.2020 |
El tiempo
viernes. 14.08.2020
El tiempo

A área de Pontevedra suma outro positivo por Covid e o CHUP volve ter un paciente ingresado

Entrada do Hospital Montecelo. GONZALO GARCÍA (ADP)
Entrada do Hospital Montecelo. GONZALO GARCÍA (ADP)
Hai seis casos activos, mentres en Galicia soben os contaxios de 253 a 262

Un novo hospitalizado eleva a seis os casos activos na área sanitaria de strong Pontevedra-O Salnés, segundo o balance do Sergas facilitado este luns. Ademais, un deles atópase hospitalizado no CHUP, logo de moitos días sen ningún ingreso. Os cinco restantes recupéranse nos seus domicilios.

Desde o inicio do plan de continxencia do Covid-19 curáronse 901 pacientes,  a mesma cifra que o domingo, e faleceron por este virus na área sanitaria 16 pacientes.

NOVE CASOS MÁS EN GALICIA. O número de casos activos de coronavirus en Galicia aumentou en nove ata 262 este luns, con cinco máis na área da Coruña; dous na de Santiago, outro en Pontevedra e un máis na de Lugo –onde se rexistra un brote na Mariña–, mentres que as persoas curadas incrementáronse ata as 10.943, o que supón tres máis. 

Así se desprende dos datos actualizados este luns pola Consellería de Sanidade, que sinala que do total de pacientes positivos, aumentan a seis os que permanecen en unidades de hospitalización convencional –dúas máis que este domingo– e un na Uci –sen cambios–, mentres que 255 atópanse en seguimento domiciliario –sete máis respecto da xornada pasada–. 

Dos 262 casos positivos, 200 corresponden á área de Lugo –un máis que este domingo–; 24 á da Coruña e Cee –cinco máis–; 16 á de Santiago e Barbanza –dúas máis–; 11 á de Vigo –sen cambios–; catro á de Ourense –sen cambios–; un á de Ferrol –igual– e seis á de Pontevedra –un máis–. 

Dentro do total de casos rexistrados en Galicia hai un vinculado con centros residenciais, segundo concreta Sanidade, que corresponde a un traballador de Burela, mentres as residencias seguen sen usuarios infectados. 

Sanidade apunta que, ata a data, curáronse en Galicia 10.943 persoas e faleceron 619 pacientes con Covid. A última vítima foi notificada o 10 de xuño, que se corresponde cun home de 83 anos que estaba ingresado no Complexo Hospitalario Universitario de Vigo. Do total, 274 estaban vinculadas con residencias. 

O número de PCR realizadas ata a data na comunidade galega ascende a 218.587 fronte ás 216.499 rexistradas ata este domingo, sinalou Sanidade. 

A área de Pontevedra suma outro positivo por Covid e o CHUP volve...
comentarios