O novo tanatorio de Albia en Pontevedra, segundo na cidade, arrincou a súa actividade este pasado fin de semana, coas súas catro salas de velación operativas e un estacionamento con capacidade para 44 vehículos, nas que se reservará espazo para persoas con mobilidade reducida.
O grupo funerario, participado pola aseguradora Santa Lucía, conta en toda Galicia cun total de 22 instalacións deste tipo, entre elas as que xa están operativas en Marín, Bueu ou Sanxenxo.
O novo edificio de Albia en Pontevedra dispón de baixo e planta e con catro salas velorias. Ademais dispón de capela, baños e outras dependencias internas.
O tanatorio está situado moi preto da rotonda de acceso ao hospital de Montecelo, xusto enfronte da nave industrial da firma Dielectro.