O Banco de Alimentos repartiu o ano pasado ao redor de 110 toneladas de produtos a distintas entidades, asociacións e parroquias eclesiásticas (diferentes Cáritas, Calor y Café, Rexurdir, Comedor de San Francisco e Albergue de Transeúntes San Javier, entre outros). Ademais, entre 140 e 150 persoas necesitadas pasan cada día (excepto domingos e festivos, que non funciona este servizo) polas instalacións atendidas polos frades franciscanos e un grupo de voluntarios, mentres que o Club de Leóns forneceu de 105 toneladas de alimentos a 300 familias en 2018.
Paloma Castro, concelleira de Benestar Social, recordou estes datos este mércores, no Día Mundial da Alimentación, unha xornada que o Concello conmemorou coa inauguración dunha exposición enmarcada na iniciativa Fame Cero.
Seis artistas de Pontevedra uniron o seu talento na mostra que se pode contemplar ata o próximo día 23 na Praza de Ourense. Antón Sobral, Basilisa, Alberto Pena, Xulio Gil, Taller Abierto e Carmen
A mostra pódese contemplar ata o próximo día 23 na Praza de Ourense
A mostra está composta por sete cubos, seis deles con lemas e imaxes deseñados polos artistas participantes e outro cunha mensaxe de Paloma Castro. "Ao comedor de San Francisco acoden ao redor de 125 persoas diariamente", "Na vivenda de apoio ao tratamento da asociación Rexurdir Provincial viven 4 persoas", "A asociación Rexurdir e a Cáritas acoden unha media de 65 a 75 persoas ao día", "Dez persoas acoden a un obradoiro de San Vicente de Paúl de restauración de mobles", "No programa de axuda alimentaria e de roupa da Fundación Amigos de Galicia, Cáritas, Club de Leones e Rexurdir Provincial hai unhas 650 familias" son algunhas das frases que se poden ler nos cubos.
A concelleira de Benestar Social precisou que a mostra do proxecto piloto Fame Cero pretende render "unha pequena homenaxe" aos colectivos que veñen traballando de forma voluntaria en beneficio das persoas necesitadas e informar, a través da arte, da situación de fame na que se atopan persoas que viven na cidade porque, apuntou, "non é só un problema que afecte ao Terceiro Mundo".
"Queremos enviar as mensaxes a través da arte porque, deste xeito, a informarción chegará a moita xente", subliñou Paloma Castro.
"Ás veces a xente pensa que cando se fala de paliar a fame é só a do Terceiro Mundo. Descoñece que se teñen tempo e queren tamén poder botar unha man ao grande labor que están desenvolvendo moitos colectivos na nosa cidade", sentenciou a concelleira de Benestar Social.
