As protestas da Policía Local obrigan a Lores a suspender o pleno dúas veces
11 de septiembre de 2018 (21:34 h.)
O rexedor solicitou aos axentes de garda que identificasen aos policías que estaban a impedir o debate plenario
"Chegou a mafia e a charanga". Con esta frase entrou este martes un líder sindical da Policía Local no Teatro Principal, no que se celebraba o primeiro Pleno do curso político. As interrupcións do colectivo, que reclama melloras salariais, levaron ao alcalde, Miguel Anxo Fernández Lores, a suspender a sesión ata en dúas ocasións. A primeira durante sete minutos e a segunda durante once.
Neste último parón, o rexedor solicitou aos axentes de garda que identificasen aos policías que estaban a impedir o debate plenario, momento no que os manifestantes decidiron marcharse.