O asfaltado da rotonda de Uxío Novoneyra obrigará a pechar ao tráfico rodado Eduardo Pondal este martes e o mércores. O obxectivo dos traballos é nivelar a glorieta e recolocar o paso de peóns que une esta zona con Virxe do Camiño.
A actuación está incluída dentro da reforma integral da rúa O Gorgullón. O martes levarase a cabo o fresado do viario e o mércores será pavimentado.
O plan de tráfico impulsado pola Policía Local prevé o peche do carril de circulación de Eduardo Pondal, en sentido saída da cidade; o corte de Xermán Adrio, excepto para residentes.
Na tarde do mércores, o operativo obrigará a cambiar de sentido a Rúa Profesor Filgueira Valverde e Joaquín Costa (entre Antón Fraguas e Cobián Areal) para garantir o paso dos vehículos de urxencia por detrás do Hospital Provincial.
As restricións serán de mañá e de tarde, polos que o Concello recomenda aos condutores que eviten transitar por esta zona, que estará dispoñible para residentes e servizos.
