As axudas municipais para a compra de ordenadores desbloquearanse "nos vindeiros días". Así o anunciou este venres o tenente de alcalde e concelleiro de Educación, Tino Fernández, durante o inicio do reparto de folletos informativos sobre as características destas subvencións na CEP de Campolongo. En total, repartiranse 15.000 volantes entre o alumnado menor de idade, desde Primaria ata Bacharelato, pero tamén FP e centros de educación especial.
As bases para a concesión destas subvencións publicaranse en breve no Boletín Oficial da Provincia. O principal requisito para acceder a elas será
O Goberno local dispuxe unha partida de 400.000 euros para atender estas axudas, que serán de 400 euros por estudante e un máximo de 2.000 euros por unidade familiar. Para a súa adxudicación teranse en conta cuestiones como a renda. As familias cun fillo ou filla non deberán superar os 39.900 euros ao ano para acceder a esta liña. As que teñan dous fillos deben ter unha renda inferior aos 43.225 euros ; as de tres de menos de 47.215 euros e as de catro ou máis fillos non superar os 49.875 euros ao ano.
"Á hora de conceder as subvencións terán prioridadde aquelas familias cunha menor renda e con maior puntuación en base ás circunstancias que recolle a convocatoria", sinalou o edil de Educación. Os aspirantes terán un mes para formalizar a súa solicitude.
Os equipos informáticos subvencionables terán que ser adquiridos entre o 14 de marzo de 2020 e o 31 de decembro de 2021.