O Concello dotou á biblioteca pública Antonio Medal de Ponte Sampaio e ao consultorio médico situado na zona dunha rampla que facilita o acceso ás persoas con mobilidade reducida. A asociación de veciños Santa María propuxo á Administración local a eliminación das barreiras arquitectónicas na entrada destes dous inmobles, situados na mesma contorna.
Neste sentido, a xunta directiva que preside José Luis López Carragal explica que a colocación da rampla inaugurada este mércores foi "froito do entendemento" da entidade veciñal coa Administración local e que se volverá a plasmar noutras "tantas melloras que se culminarán no transcurso do presente ano".
O equipo directivo da asociación Santa María agradece ao concelleiro delegado de Ponte Sampaio, Raimundo González, por atender a reivindicación dos traballos para mellorar a accesibilidade no consultorio médico e a biblioteca da parroquia que conta con 7.800 libros e cuxo horario de apertura, a partir de setembro, será desde as 17.00 ata as 20.00 horas.
