Efectivos do Parque Municipal de Bombeiros de Pontevedra desprazáronse á rúa Oliva na tarde deste venres para facer fronte a un pequeno incendio que se rexistrou no cadro eléctrico que dá servizo a unha obra do citado viario. Ocorreu pouco antes das 17.00 horas. Foi entón cando se rexistrou a explosión no cableado, que desencadeou un apagamento.
As tarefas de extinción provocaron o corte puntual do tráfico. Afortunadamente, non houbo que lamentar danos persoais.
