O xeneral xefe da Brilat Antonio Romero Losada, recibiu de mans dunha representación da Asociación La Carta de Juan de la Cosa unha reprodución do mapamundi confeccionado polo famoso cartógrafo, o primeiro mapa que contempla todos os continentes. O orixinal, terminado de debuxar en El Puerto de Santa María no ano 1500, exhíbese no Museo Naval da Armada en Madrid.
Esta reprodución, datada de 1982 foi a primeira que se fixo a tamaño natural e en cor. Foi realizada para conmemorar o IV Centenario do Descubrimento de América, polos señores Cánovas, Vallejo e Traynor.
Juan de la Cosa, dono da Nave Santa María, participou na primeira viaxe de Colón e en seis posteriores viaxes a terras americanas. Como consecuencia das súas viaxes confeccionou este mapamundi, no cal aparecen representadas Europa no seu conxunto, o mar Mediterráneo, África, Asia e, por primeira vez na historia, o continente americano.