Sen présa pero sen pausa. Así van despachando os últimos décimos de Lotería para o sorteo de Nadal os loteiros da cidade. A provincia de Pontevedra ten consignados case 57 millóns de euros, o que supón que a administración central de Loterías e Apostas do Estado prevé que os pontevedreses se gasten uns 60 euros por persoa neste sorteo.
A semana anterior ao xa tradicional encontro no Teatro Real de Madrid aceléranse as vendas e os loteiros da Boa Vila nótano. A pesar da choiva do luns, nos despachos de Lotería estes días despáchanse décimos para quen aínda non compraron. "Estamos pendentes do ceo, porque se chove moito a xente non sae de casa e non compra", explican os responsables do establecemento da rúa Loureiro Crespo.
Os pontevedreses foron os que menos se gastaron neste sorteo xunto aos ourensáns
Tamén a loteira da rúa Peregrina confesa estar moi pendente da meteoroloxía. Unha parte importante das vendas xa se realizaron durante o verán, cando os turistas se fan con números das cidades que visitan. Agora o perfil dos clientes correspóndese con persoas da cidade que compran entre un e dous décimos, en moitas ocasións para compartir. "En ocasións veñen grupos que queren levar o mesmo número", contan na administración de Loureiro Crespo. Por outra banda, na da rúa Peregrina explican que aínda teñen todas as terminacións dispoñibles e que este ano notan menos vendas con respecto a anteriores ocasións. Deste xeito, en 2017 vendéronse 50 millóns de euros en Lotería de Nadal na provincia de Pontevedra, un 6,27% máis que no ano anterior.
Isto supón que cada persoa da provincia gastouse unha media de 53 euros en décimos ou participacións. Con respecto ás outras provincias, os pontevedreses foron os que menos se gastaron neste sorteo xunto aos ourensáns, que se deixaron unha media de 46 euros en 2017. Os que máis diñeiro se gastaron foron os habitantes da provincia de Lugo, que dedicaron 67 euros por persoa. Por detrás están os coruñeses, cun gasto medio por habitante de 64 euros. Deste xeito, a nivel autonómico, os galegos desembolsaron case 160 millóns no anterior sorteo e este ano prevese que se deixen 20 millóns máis, uns 179.
En canto a os números máis buscados, principalmente demándanse os impares, como o 5, o 7 ou o 9. Os que xogan queren tamén terminacións do número 18, por ser o ano actual. "Hai persoas que queren ter ese número na combinación porque este ano naceu algún neno na familia ou por algo bo que pasou", explican os loteiros. Deste xeito, esta terminación está xa esgotada nalgunha administración. Onde aínda está dispoñible é na rúa Peregrina, onde contan tamén con un número propio e íntegro. "Trátase do 9291", explica a loteira, que cruza os dedos para que a sorte fíxese no seu establecemento este ano.
É un número que aparece na coñecida frase da biblia "70 veces 7". Por iso moitas persoas decántanse por el. Tamén o 5 e o 9 son números moi demandados, do mesmo xeito que o 13, que é outro clásico entre os compradores de Lotería.
É outra das terminacións preferidas este ano, aínda que os donos dos despachos non saben dicir o motivo.
Os que gardan un bo recordo do ano que está a piques de terminar optan por comprar números que inclúan o 18 nas súas terminacións.
