A reunión que a conselleira de Infraestruturas e Mobilidade, Ethel Vázquez, mantivo o martes con varios colectivos de Lourizán (entre os que non se atopaba a asociación veciñal Estriceres, como de forma errónea se dixo este mércores) para explicar con detalle os plans do seu departamento para a mellora e ampliación da Estación Depuradora de Augas
Estriceres, a través dun comunicado público, indicou este mércores que a creación da infraestrutura deportiva que expón a Xunta nos terreos que ocupaba o anterior equipamento (que a Dirección Xeral de Costas obrigou a demoler ao non contar coa preceptiva autorización do Goberno central para permanecer nunha zona considerada de dominio público marítimo terrestre) "sería ilegal por ir contra o que establece a Lei de Costas, só para contentar a asociacións afíns e en contra da vontade da veciñanza".
Ademais, sobre o encontro que tivo lugar na sede administrativa de Campolongo, indica que "o certo é que Ethel Vázquez se reuníu con persoas do seu partido de Lourizán, candidatas, interventores, etc. que forman parte de dúas asociacións, que non teñen socios (no caso de Armel) e que só se representan a si mesmos e funcionan como chiringuitos do PP, en ambos os casos", tanto en referencia á citada asociación de mulleres de Lourizán como ao San Andrés C.F.
"Resulta vergoñoso por parte da conselleira que participe neste tipo de paripés para enganar a cidadanía, intentando suplantar a representación veciñal que lexitimamente reside na nosa asociación veciñal, a decana do concello de Pontevedra e a máis importante en número de asociados, que historicamente veñen representando o movemento veciñal".
O presidente do San Andrés asegura que "os veciños de Lourizán din que queren o novo campo de fútbol onde estaba o anterior
Pola súa banda, o presidente do San
En contra do que afirman os portavoces de Estriceres, Seso asegura que "os veciños de Lourizán din que queren o novo campo de fútbol onde estaba o anterior. Contamos con máis de 600 firmas que o corroboran". Ademais, pregúntase por que o Concello non actúa para obrigar a retirar as pancartas e as cruces que rodean o parque infantil dos Praceres que foron colocadas pola plataforma que rexeita a ampliación da EDAR.
O presidente do San Andrés C.F. asegura que o actual Plan Xeral de Ordenación Municipal (PXOM) reserva os terreos situados entre a EDAR e Estribela para acoller dotacións deportivas.
"Hai catro anos, cando demoleron o campo de fútbol, celebramos unha reunión á que asistiron socios, simpatizantes, veciños e representantes dos partidos políticos na que acordamos reclamar a instalación do novo terreo de xogo no mesmo lugar", sinala Seso. "Agora, como a Xunta vai ampliar a depuradora si ou si, cremos que é o momento de recibir como contrapartida o tan ansiado campo de herba sintética que lle dará vida á parroquia".
Lores recordou que o principal problema da estación é "o engadido de pluviais". E puxo o foco nos aportes que o Porto de Marín fai á depuradora. "Hai que controlar as pluviais que entran de xeito incorrecto".
O primeiro edil de Pontevedra defende que a ría teña máis instalacións depuradoras de augas residuais. Na actualidade hai tres, mentres que outros enclaves similares en Galicia "teñen ata dez".
Lores reivindicou o traballo do Concello na revisión e mellora da súa rede de rede de sumidoiros e abastecemento, que ten fugas mínimas no caso da auga. "Nós estamos a facer o que temos que facer: controlar e mellorar as canalizacións", subliñou.
O alcalde tamén instou á Xunta de Galicia a que faga público o plan de saneamento da ría. "Non coñecemos o que se fixo. É algo fundamental para poder opinar con coñecemento de causa", sinalou.
