O taller de madeira da Escola de Enxeñería Forestal da Universidade de Vigo elaborou cinco caixas niño que desde este mércores colgan das árbores do campus de Pontevedra para favorecer o anidamiento e a cativa de aves. A súa situación, á beira do río Lérez e cerca do espazo natural protexido da Xunqueira de Alba, fan do campus un espazo polo que transitan numerosas especies de paxaros.
Estas caixas niño súmanse ás xa instaladas o pasado curso no marco dunha iniciativa inserida no proxecto Green Campus, que pon de relevo a importancia da conservación da biodiversidade. O campus pontevedrés foi recoñecido coa bandeira verde que outorga a Foundation for Environmental Education.
O director do Green Campus e Campus Crea, Carlos Souto; o director da Escola de Enxeñería Forestal, Juan Picos; o técnico da escola Luís Torres e os estudantes Ángel
Souto explicou que a idea é ir cada ano incrementando o número de caixas niño. O director da Escola de Enxeñería Forestal destacou que esta sinxela "actividade" cumpre dúas funcións "a de albergar aves, pero tamén a de mandar unha mensaxe de concienciación", engadiu o director da EE Forestal.
As caixas niño foron construídas coa máquina de control numérico da escola, de tal xeito que esta actividade contribúe tamén a que "a educación ambiental forme parte das capacidades adquiridas polos estudantes", como destacou o director do Green Campus.
Outro dos obxectivos é tratar de darlle un "contido formativo" ás diferentes iniciativas que levan a cabo no marco deste programa.