A conselleira de Educación, Universidade e Formación Profesional, CarmenPomar
A titular do departamento educativo visitou na mañá de onte o centro que a asociación ten na Boa Vila.
Carmen Pomar, que estivo acompañada polo presidente de Amencer-Aspace, Carlos Godoy, explicou que a consellería colabora coa entidade pontevedresa e outra trintena asociacións e colectivos especializados na atención á diversidade en cuestións como o asesoramento na atención educativa ao alumnado con parálise cerebral, a orientación sobre metodoloxías idóneas á intervención educativa e a información e formación que requiran os centros a este respecto.
De feito, son os propios centros os que solicitan esta colaboración e defínena. No caso de Amencer-Aspace, conta cun Centro de Recursos e Asesoramento Pedagóxico e tamén ten en funcionamento iniciativas como "Inclusión á inversa: Entre coles anda o xogo".
Os profesionais da asociación prestan apoio e asesoramento aos centros educativos da provincia
En concreto, esta actividade consiste en invitar a centros educativos con alumnado con idades comprendidas entre 5 e 12 anos, un máximo de 25 por cada visita, para participar en actividades de lecer inclusivo, talleres e contacontos.
Ademais, noutra das iniciativas, "Ponte non meu lugar", os nenos ponse no papel dos menores con parálise cerebral en situacións cotiás como comer ou xogar.
O obxectivo destas actividades é que os alumnos adquiran valores de empatía e actitude reflexiva antes as persoas con parálise cerebral.
Carmen Pomar tamén destacou que, no marco desta colaboración, a Consellería de Educación, Universidade e Formación Profesional promove a formación permanente do profesorado nas accións relativas á atención á diversidade e colabora na sensibilización e na difusión de materiais e documentos que permitan uns maior coñecementos das circunstancias específicas asociadas.
