A terceira convocatoria do plan social da pasteira Ence situada na ría de Pontevedra finalizou con case 500 proxectos presentados, segundo informa a compañía.
A través dunha nota de prensa, a empresa destaca o número de solicitudes nas áreas de apoio ao deporte, con 176 proxectos; e recuperación e coidado do entorno, con 104.
Os programas de apoio á educación e cultura recibiron 74, loita contra a exclusión social 49, impulso ao emprendemento e á innovación 47 e axudas veciñais 27.
"Esta importante resposta pon de manifesto o éxito do plan social", segundo Ence, que explica que se trata dunha iniciativa de compromiso e contribución á contorna.
Supón, segundo engade, "unha importante contribución á loita contra a exclusión social e a calidade de vida dos cidadáns de Pontevedra e a súa comarca, así como á educación e ao coidado do entorno natural".
Ademais, enmarcado na política de sustentabilidade de Ence, o plan contribúe, segundo reivindica a firma, "a complementar a calidade na xestión ambiental da biofábrica de Lourizán".
