O chef Estrela Michelin Pepe Vieira ofreceu o 24 de decembro, día de Noiteboa, unha comida solidaria para as persoas máis desfavorecidas que acoden ao comedor social do convento de San Francisco de Pontevedra.
O equipo do restaurante do recoñecido chef adaptouse para traballar na antiga cociña do comedor social rexido polo pai Gonzalo Diéguez. Alí, atenderon a uns 160 comensais, que pasaron polo comedor en grupos de 66 persoas desde as 13.00 horas ata o peche do servizo, sobre as 15.00 horas.
O menú estivo composto de dous pratos. En concreto, de primeiro, os asistentes puideron degustar calabacín recheo de bacallau ao 'ajoarriero' e, de segundo, canelones de capón con cogomelos e trufa. Tamén gozou dunha sobremesa típica da época, un tronco de Nadal.
O propio Xosé Cannas, Pepe Vieira, explicou que con este xesto pretende "enxalzar e apoiar" o "gran labor" que realiza o pai Gonzalo e os seus colaboradores diariamente.
"Non só son eu o que está metido na lea, metinos a todos e pasáronse o seu día de descanso traballando para ter todo a punto",
"Somos veciños e vemos o labor do pai Gonzalo todos os días do ano coa xente que necesita deste servizo", sinalou o chef, que quixo achegar o seu gran de area e asumir a preparación da comida.
Para iso, ademais do traballo de preparación, o restaurante achegou a materia prima para a elaboración do menú.
O cociñeiro agradeceu tamén a todo o seu equipo participar nesta iniciativa social. "Non só son eu o que está metido na lea, metinos a todos e pasáronse o seu día de descanso traballando para ter todo a punto", destacou.
Pola súa banda, o pai Gonzalo asegurou que nos 31 anos de historia da institución nunca tiveran unha carta tan especial como o deste 2019.
