O contorna do Hospital Provincial rexistrou na mañá deste xoves un atasco importante por mor dos particulares citados para realizar as probas do coronavirus no Covid-Auto.
Dito sistema, que permite aos sanitarios recoller mostras aos cidadáns sen baixarse do coche, está a rexistrar a realización dunha media de entre 250 e 300 probas PCR diarias, que representan a maioría das que levan a cabo na área sanitaria. De feito, nas últimas 24 horas realizáronse 352 PCR, que se engaden ás 34.513 xa efectuadas.
O Covid-Auto comezou a funcionar o pasado 20 de marzo no Recinto Feiral e posteriormente foi trasladado ao Hospital Provincial.
QUEIXAS POR SOBRECARGA. Traballadores do CHUP denuncian a "sobrecarga de traballo" dos profesionais de enfermería que corren a cargo do programa Telea, co que se fai seguimento aos pacientes con covid-19 en domicilio. "Supervisan innumerables casos, ademais, encárganse de recibir aos que empeoran", engaden.
