A sección sindical de Comisións Obreiras, na fábrica de Ence, acusou ao PSOE de arruinar "a Pontevedra" e esixiu a supresión do artigo 18.4 da futura Lei de Cambio Climático, que permite modificar os prazos das concesións de costas.
O sindicato ofreceu este martes unha rolda de prensa xunto a representantes da Cámara de Comercio e da Plataforma Prol Industria, na que defenderon a seguridade da planta fronte á polémica xerada por unha gravación do presidente de Ence, Ignacio de Colmenares, na que advertía de que o complexo industrial de Lourizán podería dar "un susto ambiental" pola falta de investimentos.
A presidenta do comité de empresa das oficinas de Ence, Ana Cedeira, denunciou que estas declaracións son un breve extracto dunha mensaxe de máis dunha hora que se sacou de contexto. "Ence é segura", insistiu a sindicalista, quen defendeu a importancia de que se achegue seguridade xurídica para realizar os investimentos pertinentes.
Ana Cedeira pediu centrar o discurso nas consecuencias da aprobación da nova lei "que significará a destrución duns 5.000 postos de traballo", asegurou a representante sindical de Comisións Obreiras.
Cedeira criticou a "falta de respecto absoluta cara aos traballadores" por parte do delegado do Goberno en Galicia, Javier Losada, por pedir un plan industrial á dirección de Ence.
"Ence non é Alcoa, Ence non necesita un plan de industria, o que necesita é seguridade xurídica para poder investir 200 millóns de euros na súa planta de Lourizán", dixo Cedeira.
"QUE QUITE ESE BOTÓN NUCLEAR". Pola súa banda, o vicepresidente da Cámara de Comercio de Pontevedra, Vigo e Vilagarcía, Eduardo Barros, pediu á ministra de Transición Ecolóxica, Teresa Ribera, que elimine do articulado da Lei esa posibilidade modificar con efecto retroactivo os prazos das concesións de costas. "Que quite ese botón nuclear", dixo.
"Por que nos temos que crer que non vai ser retroactiva?, Por que teñen que ter unha pistola cargada apuntándonos e crer que non van disparala?", pregúntase o vicepresidente da Cámara de Comercio, Eduardo Barros.
Nunha liña similar sitúanse na Plataforma Prol Industria, desde a que lamentan o "negativo efecto chamada" que ten para Pontevedra a postura dalgúns grupos políticos con respecto a Ence á hora de atraer outras industrias.
Comisións Obreiras mantén o seu calendario de mobilizacións que contempla unha concentración este venres fronte á sede do Ministerio de Transición Ecolóxica en Madrid e unha semana despois unha marcha a pé ata Santiago para protestar diante da sede do PSdeG-PSOE.
A compañía informa nun comunicado de que 21 destas incorporacións indefinidas foron para a súa fábrica de Pontevedra, 11 para a de Navia (Asturias) e 19 para as súas oficinas centrais en Madrid e para as súas plantas de enerxía en Andalucía, Castela-A Mancha e Estremadura.
O resto de contratacións, ata un total de 239, foron de carácter eventual e temporal e están relacionadas con diferentes necesidades, entre elas o reforzo de prazas específicas debido aos protocolos de seguridade fronte ao coronavirus.
O persoal directo da compañía, neste contexto de crise sanitaria e económica, incrementouse ata os 1.176 postos de traballo actuais, dos cales 443 están en Asturias, 440 en Galicia, 122 en Andalucía e 171 en Madrid e nas plantas de enerxía.
Ence sinala que, ao longo de 2020, o emprego directo, indirecto e inducido da compañía en todo o país creceu ata situarse nuns 20.000 postos de traballo.
