Desde a saída do primeiro e máis duro confinamento pola covid, a compravenda de vivenda non fixo máis que crecer. A tendencia mantense en ascenso ata o punto de superar o número de vendas de antes da pandemia. Así, se en febreiro de 2020 asinábanse 563 contratos de compravenda de vivendas, nos datos que ofrece en Instituto Nacional de Estadística (INE) para xullo de 2021 rexistrábanse 594 compras, 31 máis que o mes anterior ao decreto do estado de alarma.
O sector inmobiliario da cidade constata este crecemento. "Seguramente podramos equiparar a situación actual á que viviamos antes da pandemia e, ademais, o verán é unha época na que se producen máis compras, vén xente de fóra, hai máis movemento e véndese máis", apunta Jorge González, de Inmobiliaria Pedrosa.
En canto ao perfil dos compradores, son persoas de entre 30 e 50 anos, normalmente familias con fillos. "Moitas delas, cos nenos máis pequenos, buscan casas, e outras, cos fillos máis maiores, optan por pisos na cidade", sinala.
Entre as novidades que trouxo a pandemia atópase tamén un novo perfil de comprador. "Hai persoas que veñen de grandes cidades como Barcelona ou Madrid porque están empregadas en compañías que lles permiten o teletrabajo e prefiren vivir aquí, e tamén hai persoas de Vigo ás que lles gusta a calidade de vida de Pontevedra e van e veñen todos os días", explica González.
En canto ao tipo de vivenda, véndese máis a de segunda man. Por unha banda, porque hai un maior parque de vivenda usada e, por outro, porque é máis económica. "O bo da vivenda de segunda man é que os compradores poden beneficiarse de axudas e bonificacións e, ademais, hai moi poucas vivendas de obra nova", apunta. Do mesmo xeito, as novas promocións inmobiliarias teñen case a totalidade dos pisos vendidos antes incluso de comezar a obra. "A vivenda de segunda man permíteche entrar a vivir no momento", conta.
Hipotecas máis pequenas
201
O mínimo na compravenda de vivenda alcanzouse en xullo de 2013, cando se venderon só 201 vivendas na provincia. Nin sequera durante o confinamento produciuse un bajón tan grande, cun mínimo de 300 compras en maio de 2020.
"O que aprendemos da crise do 2008 é a non endebedarnos tanto, agora a xente vén co 20% do valor do piso aforrado e un 10% reservado para impostos", indica González.