O concelleiro de Desenvolvemento Sostible e Medio Natural do Concello de Pontevedra inspeccionou este mércores a marcha dos traballos do proxecto de rexeneración integral do parque, as sendas e pasarelas de Valdecorvos, nos que este departamento municipal investirá máis de 50.000 euros.
Segundo explica o responsable da área, o socialista Iván Puentes, en paralelo á renovación dos camiños e á reposición dos elementos de madeira, "acaban de poñerse en marcha os movementos de terra e actuacións previas que permitirán dotar a este contorno dun fermoso miradoiro". A obra forma parte dunha estratexia de recuperación de espacios de especial atención medioambiental.
