O Concello aprobará unha modificación de crédito de 3,5 millóns de euros no próximo Pleno da Corporación, que se celebrará o 20 de xullo, para paliar as consecuencias da crise económico-sanitaria provocada pola pandemia de coronavirus. Así o manifestou o mércores o concelleiro de Economía e Facenda, Raimundo González, que sinalou que con esta partida preténdese axudar a aqueles sectores que resultaron especialmente prexudicados, así como repor rédito en partidas nas que resulta insuficiente na actualidade.
A parte da cifra máis substancial é a destinada á subvención tanto de autónomos como de microempresas. Para este grupo destinarase un total de 1.250.000 euros pero, segundo dixo o concelleiro, a cifra é unha cantidade inicial que "é susceptible de ser ampliada en función de como evolucionen as solicitudes e xustificacións". Tamén indicou que as bases da convocatoria contemplan un anticipo do 75% da cantidade subvencionada e que se trata dunha subvención de capital prevista para aquelas empresas que queiran mellorar a súa prestación aos cidadáns: "é para investimentos non propio local de negocio como mobiliario ou equipamento informativo".
A modificación, tamén aborda temas de investimento, o que segundo González "non deixa de ser un elemento de dinamización económica para, indirectamente, concseguir que se vaia recuperando a economía dá cidade para así dar saído desta longa noite". Sumando esta modificación de crédito, o orzamento do Concello sitúase en strong <>99.998.625,11 euros, tras incorporacións de remanente e altas que se fixeron sobre os 79.336.000 aprobados inicialmente.
Outra das cuestións aprobadas foron as melloras en accesibilidade urbana, en concreto destináronse 722.000 euros a diferentes barrios da cidade, entre outros: Valdecorvos, Gorgullón, ou Burgo, a zona da avenida de Vigo, Taboada Neto e Cobián Roffignac. A de Gorgullón, estará subvencionada nunha porcentaxe de 50% por fondos Edusi.
Unha terceira partida sería o investimento no Servizo de Extinción de Incendios, concretamente destinaranse 350.000 euros para as dependencias do propio servizo. O concelleiro de Economía recordou que as instalacións deste Servizo datan aproximadamente do ano 1986 e que desde entón só se fixeron algunhas obras puntuais de mellora, pero que agora se fai necesario realizar unha reforma máis en profundidade das zonas comúns e redistribuír a planta baixa.
Ademais, recentemente na Xunta de Goberno, aprobouse solicitar unha subvención de 320.000 euros para a eficiencia enerxética da iluminación exterior das parroquias de Campañó, Alba e Cerpozóns.
Raimundo González, indicou finalmente,que este orzamento sae maioritariamente do remanente líquido de tesourería, concretamente 2.791.000. Os preto de 650.000 restantes corresponden con baixas de diferentes partidas.
