A cidade de Pontevedra recibirá un novo premio polo seu modelo urbano. O Concello de Cangas decidiu recoñecer o traballo da capital das Rías Baixas en materia de mobilidade. A distinción entregarase o
O galardón foi aprobado pola Xunta de Goberno local de Cangas o pasado día 9. O alcalde do municipio, Xosé Manuel Pazos Varela (de Alternativa Canguesa de Esquerdas), entende que Pontevedra merece un recoñecemento "polo traballo desenvolvido en materia de seguridade viaria; de prevención e redución da accidentabilidade nas vías urbanas e interurbanas da súa competencia; por incentivar a prioridade peonil e por se referente actual da mobilidade urbana e sustentable, recoñecido sobradamente a nivel nacional e internacional".
POLICÍA LOCAL
O premio de Cangas non só recaerá no Goberno pontevedrés, senón tamén no intendente principal da Policía Local, Daniel Macenlle, ao que fan partícipe desta homenaxe.
Pontevedra conta na actualidade con seis premios internacionais polo seu modelo urbano. As súas políticas a favor da seguridade viaria han mellorado as estatísticas de sinistralidade. A cidade leva máis de oito anos sen mortos en vías urbanas.
