O Concello de Pontevedra vén de pechar o prazo para presentar comunicación para a celebración de fogueiras de San Xoán en espazos particulares, e faino tras recibir 100 solicitudes presentadas polas tres vías habilitadas. É dicir, pola sede electrónica, no rexistro xeral do Concello e presencialmente na Policía Local.
Como o ano pasado, a pandemia levou ao Concello a non autorizar fogueiras comunitarias que empreguen o espazo público ao entender que "aínda non se poden garantir as medidas sanitarias e de seguridade habituais destas celebracións".
Para as fogueiras en espazos particulares, mantéñense os protocolos de anos anteriores sobre a seguridade e esixirase que se garantan as medidas sanitarias establecidas pola Xunta.