A entrada na "nova normalidade" empezou a reavivar o ritmo de contratacións tras o croque da covid-19. Iso si, o emprego que se está xerando dista dos rexistros de hai un ano e a gran maioría dos novos postos de traballo teñen data de caducidade.
No caso concreto do municipio da capital, no mes de xuño rexistráronse 1.721 contratos iniciais, un volume que se sitúa xa a niveis prepandemia e que supera con fartura as contratacións realizadas durante o estado de alarma. Para ser máis exactos, en marzo en Pontevedra formalizáronse 1.674 contratos; en abril, con fronteiras e establecementos pechados, 868, e en maio 921.
A tenor destas cifras, a recuperación do emprego é un feito. O problema é cando se bota a vista atrás, pois ao comprobar os datos de 2019 pode ver que entón o verán comezaba na cidade de Pontevedra con 3.080 contratacións, un 79% máis. E non só iso, senón que na serie histórica actual de contratacións mensuais do Instituto Galego de Estatística (IGE), que empeza en 2013, non hai un mes de unio cun índice de empleabilidad tan baixo.
SECTORES E PERFÍS. Outro factor a ter en conta é que o 93,5% dos contratos rubricados o mes pasado son temporais e, unha vez máis, o sector servizos volve despuntar como o nicho estrela dos empregos fugaces. Tres de cada catro contratos asinados en xuño pertencen a esta área, na que destacan o peso do comercio e a hostalería. A súa actividade segue condicionada polas medidas de seguridade anticovid e os límites de aforamentos, pero o alzamento de barreiras permitiron que ambos os sectores volvan xerar emprego.
Sanxenxo, un dos destinos que máis acusa o revulsivo económico do verán, rexistrou en xuño 574 contratos, un 182% máis que en maio
Outro 14% dos contratos asinados en xuño na cidade (243) pertencen á industria, outro 6,5% (112) á construción e outro 5,4% (75) á agricultura. Por sexos, rexistráronse máis contratos de homes (982) que de mulleres (739). E por idades, as franxas máis novas, de entre 16 e 34 anos, foron as máis contratadas (47%), seguidas polas comprendidas entre os 35 e 54 anos (45%) e os maiores de 55 (7%).
CONTORNA. ¿Que ocorre máis aló da Boa Vila? Máis do mesmo. En termos xerais, en todas as comarcas que circundan Pontevedra xuño pechou as súas portas co dobre de contratos que o mes anterior, pero coa metade dos que se formalizaron hai un ano. Botella medio chea e medio baleira, segundo a perspectiva desde que a que se queiran escrudiñar os datos.
Sanxenxo, un dos destinos que máis acusa o revulsivo económico do verán, rexistrou en xuño 574 contratos, un 182% máis que en maio, pero un 53% menos que en xuño de 2019. E en Cangas, outro polo de atracción de bañistas, a tendencia foi similar, aínda que con máis síntomas de melloría: o mes pasado rexistrou 1.089 contratos iniciais, 370 máis que en maio e 425 menos que hai un ano. A nivel provincia, a tendencia é a mesma. Xuño alcanzou os 23.078 contratos, case o dobre que maio (12.859), pero case a metade de hai un ano (40.440).
