A maior distinción das impostas o&luns nbsp;recaeron nos sentinelas que esa noite repeleron aos dous coches suicidas que pretendían irromper na base española para causar unha carnicería. O ourensán Daniel Gómez e o colombiano Richard Ríos admiten que reaccionaron segundo foran adestrados, aínda que ao principio pensaban que era un simulacro.
"Recórdoo coma se fose onte. No primeiro momento non o cres. Fun actuando sobre a marcha, porque non era nada planeado. Pasóuseme pola cabeza de todo, porque os vin chegar, non sabía como ían vir e… foi todo instintivo", explica Ríos.
Sobre o inicio do ataque, detalla que "pola radio dixeron que os compañeiros da outra porta escoitaban disparos. Ao momento o sarxento confirmaba que non se trataba de ningún simulacro e acto seguido escoitei xa que nos disparaban. Vin que o vehículo se estrelaba contra a porta e quería entrar pola forza, aí foi cando comecei a disparar".
"Cando vin que se detivo, me replegué un pouco e solicitei o apoio do meu compañeiro, que estaba coa súa metralladora. Desde a súa posición viu aproximarse o segundo vehículo e avisoume para que me situase nunha posición máis segura, porque nese momento non sabía cantos viñan nin con que intencións", indica.
O soldado Gómez comenta que "vin chegar o segundo coche marcha atrás, cos intermitentes... Ao virarse cara á base, apuntei cara a el e nese momento estourou sen darme tempo a abrir fogo. Ao principio non cho esperas, e despois foi un pouco de caos, porque se foi a luz, empezou a pasar xente por diante sen saber se quería entrar ou non… Agora durmo ben polas noites, pero ao día seguinte custoume".
