Cronoloxía dun caso que mobilizou Pontevedra

A desaparición de Sonia Iglesias no verán de 2010 conmocionou á cidade de Pontevedra e a todo país. A pista da dependenta de Massimo Dutti perdeuse na mañá do 18 de agosto. A familia de Sonia continúa manifestándose e loitando para que o enigmático caso non caia no esquecemento.

En 2015, a Audiencia Provincial arquivou provisionalmente a causa por falta de probas. Agora, segundo fontes xudiciais, o caso foi reaberto. Con todo, non transcendeu ningún detalle, xa que a causa está considerada secreta.

Ao longo de sete anos houbo moitos rumores sobre as causas da súa desaparición, pero ningún se concretou. Ata o momento, o único imputado no caso foi o seu ex, Julio Araújo.

Tras innumerables interrogatorios e investigacións das autoridades policiais, os xuíces decidiron exonerarlo pola debilidade das probas na súa contra.