Un motorista case cuadruplicó a taxa máxima de alcol en sangue na proba á que foi sometido logo de sufrir un accidente na estrada de Montecelo.
O contratempo ocorreu sobre as 4.30 horas do domingo cando o piloto perdeu o control da moto e acabou impactando contra o asfalto.
Tras recibir a voz de alarma, o 112 enviou asistencia médica e aos axentes, quen comprobaron que o motorista presentaba un gran corte na cabeza.
Na proba de alcoholemia que lle practicaron deu un resultado de 0,94 mg/l.
A moto foi trasladada polo guindastre ao depósito, onde o seu titular acudiu a recollela este mesmo domingo pola tarde.
