Buscan a un home por roubar nos vestiarios da Xunqueira

A Policía Nacional intenta localizar ao autor da onda de roubos sufridos nos vestiarios dos campos de fútbol da Xunqueira e de Príncipe Felipe nos últimos días, e que xa foron denunciados polos prexudicados.

Todo comezou hai uns días, aproveitando a volta aos adestramentos dos rapaces tras o parón estival. Óscar Guimeráns, un dos adestradores que foi vítima dos ladróns, explica que "hai uns dez días empezamos a notar as subtraccións. Case sempre van a por os móbiles ou por diñeiro en metálico. A min o sábado leváronme 180 euros".

Con anterioridade a este suceso, o mércores pasado outro preparador do fútbol basee sufriu a perda da carteira e do seu celular mentres se concentraba no adestramento. Curiosamente, un familiar súa estivo a charlar co presunto ladrón, aínda que nese momento descoñecíao. "Ten entre 40 e 45 anos e un aspecto desaliñado. É facilmente reconocible e xa lle demos a súa descrición á Policía", explica Guimeráns.

"Ten entre 40 e 45 anos e un aspecto desaliñado. é facilmente reconocible e xa lle demos a súa descrición á Policía"

 

Segundo explica, as portas dos vestiarios dos rapaces péchanse ao comezo dos adestramentos, pero non así a dos adestradores, "porque o compartimos entre varios e estamos a entrar e saíndo continuamente". Esta circunstancia foi aproveitada polo delincuente para, nun momento de descoido e con gran rapidez, acceder ás dependencias e apropiarse dos obxectos de valor.

"No meu caso foi incluso máis ousado, porque me roubou o sábado aproveitando o quecemento previo ao comezo do partido. E iso que estabamos a uns poucos metros da entrada dos vestiarios", apunta o míster.

O seu atrevemento levoulle a repetir a acción ao día seguinte, domingo, aproveitando a actividade deportiva que se desenvolve nos campos da Cidade Infantil Príncipe Felipe. Nesta ocasión, a vítima foi un dos árbitros que dirixía as contendas, ao que subtraeu o móbil.