A Policía Nacional de Pontevedra detivo dous individuos, un deles de orixe colombiana, acusados de roubar a varios homes logo de someter a súa vontade administrándolles sustancias estupefacientes. Os acusados, con vítimas por toda Galicia, actuaban principalmente na cidade do Lérez, pero tamén en Santiago e Vigo onde tiñan o seu piso franco.
Empregaban Badoo para establecer contacto con outros homes, concertando citas en establecementos hostaleiros. Unha vez no bar, fornecían as sustancias e arrastraban ás súas vítimas aos seus domicilios para desvalixalos, ou ben facían uso fraudulento das súas tarxetas de crédito.
Os axentes incautáronse de gran cantidade de obxectos roubados, o que indica que levaban moito tempo cometendo o crime.