A Policía Local de Pontevedra detivo a unha muller 46 anos por un presunto delito de malos tratos no ámbito familiar tras golpear ao seu fillo de dez anos tras unha discusión.
Segundo informou a Policía Local, os veciños alertaron ás autoridades, sobre as oito da tarde do pasado 14 de maio, tras achar ao menor descalzo, chorando e moi nervioso, asegurando este que a súa nai o golpeou.
O neno presentaba un golpe á altura do pómulo esquerdo e no pescozo, polo que foi trasladado pola Policía ao Hospital Provincial de Pontevedra.
Ante os axentes da Policía Local, os veciños manifestaron que é habitual escoitar discusións entre o menor e a nai.
Os axentes acudiron ao domicilio e atopáronse coa muller, que presentaba claros síntomas de atoparse baixo os efectos do alcol, con outra das súas fillas, unha nena de trece anos.
A muller, segundo a Policía Local, recoñeceu que discutira co seu fillo e foi detida como autora dun delito de malos tratos no ámbito familiar. O pai dos dous nenos fíxose cargo dos menores.
