A Policía Nacional de Pontevedra detivo á primeira hora da mañá deste martes a un súbdito colombiano de 27 anos por un presunto delito de atentado a axente da autoridade.
O individuo resistiuse e golpeou aos axentes que se desprazaron ás inmediacións da sala Jackson, na rúa Sagasta, onde se estaba producindo un altercado entre varios individuos.
Xunto ao arrestado, algúns dos presentes precisaron de atención médica. O exceso de alcol combinado con outras sustancias puido ser un factor determinante para o sucedido.
