Unha nena de só 13 anos utilizada para a venda de cocaína. Esa é a hipótese que manexan os investigadores da Grupo de Seguridade Cidadana da Policía Nacional de Pontevedra, que detiveron un veciño de Poio de 46 anos como presunto responsable da indución á menor ao tráfico de estupefacientes, empregándoa como señuelo e tapadeira.
Os feitos ocorreron o venres, cando o grupo de prevención da delincuencia de Seguridade Cidadá detectou a presenza de varias persoas drogodependentes na contorna da Alameda e a rúa Echegaray, en pleno centro de Pontevedra. Todos eles atopábanse en actitude de espera cando, nun momento dado, chega un vehículo do que se apean o home e a nena. Nese momento, un dos homes que estaba a esperar diríxese a ambos e efectúa o intercambio coa adolescente.
Os policías, vixiando desde cerca, interceptaron o receptor, que tiña no seu poder unha papelina de suposta cocaína. O resto de axentes procederon en paralelo ao arresto do individuo de 46 anos por un presunto delito contra a saúde pública. No momento de ser identificado, os policías cacheárono, incautándolle 330 euros que supostamente procedían da actividade ilícita que viña desenvolvendo.
Nun segundo operativo, axentes da Comisaría arrestaron dous individuos que vendían drogas na contorna da Praza de Galicia
SEGUNDO OPERATIVO. Apenas uns minutos despois pero noutro punto da cidade, os mesmos axentes antidroga da Comisaría levaron a cabo unha segunda operación nas inmediacións da Praza de Galicia.
En concreto, procederon á detención dunha parella que, logo de baixarse do autobús que une Pontevedra e Marín, foron ao encontro doutro grupo de persoas con aparencia de drogodependentes.
As sospeitas dos investigadores leváronos a dirixirse a eles para a súa identificación, constatando que eran dúas persoas de 45 e 50 anos, respectivamente. Tiñan no seu poder unha caixa metálica, agocho que utilizaban para ocultar a droga. En concreto, no seu interior levaban nove envoltorios de suposta heroína e varios máis de cocaína preparados para a súa venda, polo que foron trasladados a Comisaría.