Rafa Domínguez aposta pola continuidade para configurar "a lista do cambio"

A saída da concelleira Ana Isabel Vázquez, o ascenso de posicións de Guille Juncal (4) e Beatriz Rei (8) e a incorporación Silvia Crespo (10), Aroa Otero (12) e Jorge García Borregón (13) , principais novidades da candidatura coa que o PP de Pontevedra concorrerá ás eleccións de maio

20230418_Ggarcia_002 — Domínguez e Pepa Pardo no acto. GONZALO GARCÍA

María Varela

18/abr./23 - 12:53 Actualizado: 18/abr./23 - 21:29

Seguinte

"O que funciona non se toca". é a máxima que seguiu o presidente do Partido Popular de Pontevedra, Rafa Domínguez, para configurar xunto ao seu número 2, Pepa Pardo, unha candidatura continuista, coa que concorrerá o PP ás eleccións do 28 maio.

A concelleira Ana Isabel Vázquez é a única que non repite na lista popular, tal e como asegurou o líder do partido, "nunha decisión tomada entre ambos tendo en conta as súas responsabilidades como xerente da Cidade da Cultura".

Sobe ao número 4 o concelleiro máis novo do grupo municipal, Guille Juncal, do que Domínguez destacou que "non é o futuro de Pontevedra, é o"presente ; e Beatriz Rei González, ex presidenta da Asociación de Vecinos da Pedra do Lagarto, pasa do número 18 ao 8 para recoller as necesidades do barrio da Parda e impulsar a candidatura no barrio.

Entre as caras novas Silvia Crespo Tobío, membro da Executiva local, cunha ampla traxectoria en AEMPE, que ocupará o número 10; Aroa Otero, docente da UVigo, representando a Ponche Sampaio (12) e o subdirector de Calidade do CHUP e médico Jorge García Borregón que ocupará o número 13.

"é unha lista pensada, de xente seria, traballadora e responsable", manifestou a cabeza de lista do PP na súa presentación. O 28 de abril farán un acto público para presentar ao seu equipo á cidadanía.