O Concello e a Deputación de Pontevedra subscribiron un convenio de colaboración para desenvolver actividades conxuntas durante os próximos catro anos.
O alcalde, Miguel Anxo Fernández Lores, e a presidenta provincial, Carmela Silva, comentaron en rolda de prensa (despois da visita dela á casa do Concello) os grandes trazos deste protocolo, que non fixa aínda orzamentos, e que expón fundamentalmente accións en materia viaria, de saneamento e deportes.
O novo acceso ao barrio de Monte Porreiro e o saneamento do río Gafos ou a parroquia de Mourente son algunhas das iniciativas nas que ambas as dúas institucións planean colaborar, segundo sinalaron Lores e Silva, ambos os dous moi satisfeitos do encontro, segundo expresaron.
"Valóroo moi positivamente", dixo Lores; "só nun convenio a catro anos pódense facer formulacións globais e de alcance", sinalou Silva sobre uns plans que incumben tamén ás infraestruturas deportivas, sinaladamente un novo pavillón municipal no barrio da Parda.
O Concello e a Deputación de Pontevedra acordan actuacións conxuntas
O novo acceso ao barrio de Monte Porreiro e o saneamento do río Gafos son algunhas das iniciativas nas que ambas as dúas institucións planean colaborar