As biofábricas de Ence en Pontevedra e Navia afianzáronse durante o primeiro trimestre do ano como referentes en seguridade a nivel europeo dentro do seu sector. Así o confirmou a Asociación Europea da Industria da Celulosa, que determinou que as factorías da compañía son as que alcanzaron mellores índices de seguridade no continente durante os tres primeiros meses do 2021, segundo recolleron os datos das diferentes firmas asociadas.
Ence saldou os primeiros meses do ano sen ningún accidente no persoal dos seus centros de traballo, o que estatisticamente reflicte un cero por millón de horas traballadas, mentres que a media europea sitúase en 4,6 neste período.
Este dato toma especial valor polo feito de que dentro do primeiro trimestre tiveron lugar as paradas de mantemento de ambas as plantas, o que suma complexidade á actividade habitual polo maior número de persoas que se atopan na biofábrica. Este dato demostra que as paradas se sucederon de forma completamente segura, priorizando a saúde das persoas implicadas e a prevención do covid.
En materia de seguridade, os índices de frecuencia de Ence atópanse moi por baixo da media española. No caso de celulosa sitúase en case cinco veces por baixo da media do sector pasta e papel, mentres que o índice de frecuencia no negocio de enerxía atópase seis veces por baixo da media do sector industrial.
Así, repartíronse en total 50.000 máscaras FFP2 entre os empregados propios e as contratas e realizáronse preto de 15.000 test de antíxenos aos empregados.
O obxectivo é seguir mantendo a seguridade e continuar velando pola saúde dos traballadores a pesar de que as restricións se alivien.