Un particular enfróntase a 3.200 euros de multa por cometer dúas infraccións de tráfico o pasado fin de semana nas inmediacións do campo de fútbol de Pasarón. A Policía Local denunciou un particular por mover uns valos instaladas á beira do campo de petanca do barrio do Burgo para instalar alí un posto de venda ambulante.
A portavoz do Concello, Anabel Gulías, explicou que esta persoa desprazou os sinais catro metros para facer un uso privativo dun espazo de carácter público. Este comportamento foi censurado polos axentes municipais, que redactaron o correspondente expediente cunha proposta de sanción de 3.000 euros.
De feito, a retirada, alteración ou ocultación destes valos ou paneis temporais nas vías públicas poden supoñer infraccións de 3.000 euros, tal e como recolle o artigo 142.2 do regulamento xeral de circulación.
A maiores, o particular enfróntase a outros 200 euros de sanción por aparcar o seu vehículo en dobre fila.
