Emoción, nervios, sorrisos e tamén algún que outro choro. A volta ao cole dos máis pequenos estivo marcada onte por un cúmulo de sensacións. Logo de dous meses de vacacións, os nenos e nenas pontevedreses estaban ansiosos por volver ver aos seus amigos pero, como sempre, a volta á rutina non é fácil.
Ademais, este ano o regreso ás aulas tivo tres grandes protagonistas: as máscaras, o xel hidroalcóholico e as distancias de seguridade que se reducen a 1,20 cm. Os tres alicerces da pandemia estiveron tamén presentes neste inicio de curso. Iso si, tanto os pais e nais, como o profesorado e os nenos, viñan xa coa lección apresa.
Tras máis dun ano e medio de pandemia, todos han interiorizado xa os protocolos covid e iso permitiu ter unha maior tranquilidade á hora de que os pequenos da casa volvesen reencontrarse cos seus compañeiros.
"Empezamos con moita máis tranquilidade que o curso pasado porque o protocolo covid funcionou nos centros educativos e confiamos en que manténdoo funcionará.
Ademais o profesorado está xa vacinado e queiras que non, iso dá moita máis tranquilidade", explica Berta Rubiano, xefa de estudos do CEIP Álvarez Limeses.
Mesma sensación no Colexio San
En total, en Galicia regresaron este xoves ás aulas 187.624 alumnos: 55.698 en Infantil, 130.774 en Primaria e 1.152 en Educación Especial. No caso da provincia de Pontevedra, a cifra total de estudantes ascendeu a 70.074 e, no caso da cidade do Lérez, o dato foi de 7.487.
Co obxectivo de que non haxa aglomeracións nos accesos dos diferentes colexios, as entradas e as saídas fanse de forma graduada. Un exemplo é
As máscaras, o xel hidroalcóholico e as distancias de seguridade, os tres grandes protagonistas do regreso ás aulas
O mesmo ocorreu no CEIP Praza de Barcelos, onde ademais "temos varias entradas, as da rúa do Rouco e a propia porta principal", explica o seu director, Luís Arceo.
Pola súa banda, no Sacro Corazón de Praceres non graduaron as entradas, "grazas a que temos 7 accesos diferentes". Con todo, á hora das saídas, os de Infantil saen ás 13.45 horas e os de Primaria ás 14.00 horas.
"Os pais recollen aos nenos nunha zona que delimitamos no patio e que están asignadas segundo os cursos", afirma o profesor Rafael Pazos.
E á boa actitude dos pais, nais e nenos engadiuse tamén a meteoroloxía. A xornada deste xoves estivo marcada polas precipitacións, con todo, o tempo deu un respiro á primeira hora e permitiu que os máis pequenos puidesen entrar nas clases sen ter que facer uso dos paraugas. "Ata niso tivemos sorte porque ao non chover púidose facer todo cun pouco
E aínda que a todos gustaríalles poder alargar un pouco máis as vacacións, setembro xa está en marcha e con este mes chegan as novas etapas, os novos ciclos e os novos inicios. Os máis pequenos comezan xa unha nova etapa na que terán que seguir convivindo con todas as medidas de seguridade necesarias pola pandemia, pero a comunidade educativa afronta este curso coa ilusión de que sexa o último no que os abrazos e os bicos sexan algo case prohibido.
FANPA. A Federación Provincial de Nais e Pais de Pontevedra analiza esta volta ao cole desde dous puntos de vista. Por unha banda, desde a tranquilidade "porque xa estamos todos vacinados, tanto os pais como os profesores", explica o presidente.
Con todo, Rogelio Carballo fala tamén desde preocupación. "Os nosos fillos aínda non están vacinados e creo que aínda non somos conscientes dos problemas e as situacións de risco que isto pode supor. Estamos a falar da posibilidade de padecer problemas para sempre por culpa do covid".
