O Expediente de Regulación Temporal de Emprego (ERTE) que aplicou Ence por causas de forza maior ao ter que paralizar a produción ante a imposibilidade de captar auga do río Lérez afecta actualmente ao 22% dos 320 traballadores de fábrica que estarían incluídos nun principio. Así o explicou o secretario do comité de empresa, Rubén Fernández, tras a reunión entre ambas as partes celebrada na tarde do xoves e tras expoñer a situación global á masa social nunha asemblea informativa celebrada este venres, en dobre convocatoria.
A compañía, subliñou, fixo "concesións" á masa social, como permitir ao persoal que goce das vacacións neste período de parón "para postergar a súa entrada no ERTE" e tamén realizar quendas rotatorias equitativas entre os traballadores para executar as tarefas de mantemento e posta a punto para unha arrancada posterior en condicións. Esas quendas organizaranse "de maneira equilibrada para paliar vos efectos do ERTE sobre a masa social".
Nestes momentos, apuntou hai 46 persoas de vacacións. Aínda que Fernández subliñou que a empresa "comezou o plantexamento do ERTE cun importe superior aos mínimos esixidos por lei, é certo que a súa situación lle permite facer un esforzo maior para paliar a perda de poder adquisitivo" do persoal, polo que o comité considera insuficiente a achega económica.
