Un espectáculo aéreo "sorpresa" na Ferrería dará a benvida ao Nadal en Pontevedra. A concelleira de Festas, Carme da Silva, avanzou este luns que a actuación, na que haberá globos e persoas polo"aire , celebrarase este xoves 5 de decembro na céntrica praza, que a partir das 18.00 horas acollerá a inauguración do iluminación do Nadal. O acendido oficial do preto de millón de leds celebrarase cunha festa, con música incluída.
A edil do BNG asegurou que este ano "haberá máis zonas con luces" e que nalgunhas rúas "se duplicarán as de anos anteriores". Entre as zonas que estrearán decorado figuran o barrio de San Roque, a Praza de Galicia e as rúas Augusto García Sánchez e Augusto González Besada. Outras áreas, como Virxe do Camiño, contarán con deseños novos, como o que se instalará á beira do cruceiro.
A Ferrería contará cunha árbore con forma de cono de 20 metros altura e Curros Enríquez con outra de doce metros. Ademais instalaranse dúas amendoeiras de sete metros, unha máis que no pasado Nadal. Unha delas regresará a Méndez Núñez e o outra presidirá por primeira vez a Praza do Hospital.
Dúas amendoeiras de sete metros decorarán a Praza do Hospital e Méndez Núñez
Os elementos ornamentais con forma de bóla xigante serán dúas, medirán catro metros e serán accesibles ao seu interior. Unha delas situarase no entroncamento entre as rúas Peregrina e Daniel de la Sota, fronte ao edificio de Construcuatro, e a outra á beira da Audiencia Provincial.
A Ferrería e a Praza de Ourense terán unha decoración "especial". Ambos contarán con espazos para facerse fotos. No primeiro caso instalarase un photocall a modo de postal do Nadal. O outro elemento será
A iluminación de Nadal corre a cargo da empresa Porgesa, que cobrará 107.085 euros, o que supón un 8,3% menos dos 116.904 euros do contrato do ano pasado, e do Centro Comercial Urbano Zona Monumental.
PROGRAMA. A inauguración da iluminación dará o pistoletazo de saída a unha ampla programación festiva en Pontevedra, que por primeira vez chegará aos barrios. "Haberá centos de actividades", asegurou Da Silva, que destacou a coordinación da súa concellaría coa de Promoción Económica, que dirixe a socialista Yoya Branco.
O programa, que se estenderá ata o 12 de xaneiro, contempla como novidade a presenza de "apalpadores e apalpadoras" polo centro histórico. Tamén haberá espazo para teatro, xogos e música.
O gastroespacio do Mercado terá talleres para nenos e a pista de xeo regresará ao Recinto Feiral, entre o 20 de decembro e o 7 de xaneiro, con Mundonadal.
22.000 traballadores
A Federación prevé que a provincia xerará 22.000 empregos grazas ás festas do Nadal.
