A PRAZA de Touros de Pontevedra acollerá este mércores pola tarde, a partir do as 19.00 horas, o espectáculo Duende Ecuestre, que nesta ocasión ten un fin benéfico xa que a recadación será doada á Asociación Galega de Afectados de Esclorese Lateral Amiotrófica, Agaela.
O galardoado xinete Alberto Borjas volve a Pontevedra logo de seis anos cun espectáulo de baile de cabalos españois a través de distintas modalidades de doma: vaqueira, alta escola, carrusell e rendas longas, entre outras.
Ademais, a cita contará con dúas exhibicións de baile. A primeira será de baile árabe cun cabalo e, a segunda, será un número de sevillanas.
O director do espectáculo, Alberto Borjas declaraba, hai uns días a este xornal, que "tiñamos moitas ganas de volver. É unha honra pechar o mes de agosto de actividades na Praza de Touros de Pontevedra".
Hai seis anos o Duende ecuestre sorprendera aos centos de persoas que se achegaron ata o coso de San Roque cun espectáculo novo que fixo as delicias de nenos e maiores.
Naquela ocasión, do mesmo xeito que sucederá este mércores pola tarde, o espectáculo contou cunha exhibición de baile.
SHOW BENÉFICO. A finalidade deste evento, que viron 5.000 persoas na cidade de Burgos, é aínda máis especial que o propio espectáculo.
Un veciño do pobo de Borjas foi diagnosticado dela hai xa algún tempo polo que ao empresario buscou o xeito de poder axudarlle.
Tras varias conversacións co afectado, decidiron que nas cidades máis importantes aos que levasen a representación, doarían a entrada ás organizacións de afectados o lugar, para destinar o diñeiro reunido á investigación da enfermidade.
As entradas poden adquirirse ata o inicio do espectáculo no despacho de billetes da Praza de Touros de Pontevedra e teñen un prezo de 12 euros para adultos, 8 os nenos e, os menores de 4 anos, entrarán gratis.
