Usuarios do Punto de Atención Continuada (PAC) da Parda denunciaron onte importantes demoras na consulta ante a falta de médicos o que provocou que ao longo da tarde fosen ata 50 os pacientes que agardaban ao facultativo.
Unha muller sinalou que ela foi ata a PAC ás 19.30 horas acompañando a un familiar que non se atopaba ben e ás 23.45 horas aínda seguía esperando a que os vise o médico. "O único que fixeron ao chegar foi tomarlle unha mostra para análise" e desde entón seguimos esperando e xa pasaron máis de catro horas, sinalaba.
Na entrada do centro de saúde había un cartel que avisaba de que dos tres médicos que tiñan que traballar este sábado só había un e que as consultas se demorarían unhas dúas horas, engadiu a afectada.
