O Concello de Pontevedra celebrará este venres cunha festa a finalización dos traballos da Praza Arturo Souto, situada á beira da rúa Loureiro Crespo.
O programa de actividades iniciarase ás 17.30 horas cunha festa infantil a cargo de Galpón Lab, e que contará con talleres de creatividade e psicomotricidade.
A partir das 19.00 horas a Praza Arturo Souto acollerá un concerto de jazz que ofrecerá SPJ Group.
Ademais, os establecementos da praza tamén participarán na festa e Ladeleo ofrecerá cócteles e unha gran paella.