A menos dun mes para que a Semana Grande das festas da Peregrina tinga de cor e música o ambiente de Pontevedra, os seus habitantes valoran o potencial que teñen este ano. Os artistas pisarán a cidade entre o 10 e o 20 de agosto e os máis aclamados resultaron ser Beret, Lola Índigo e Rozalén.
O concello de Pontevedra anunciou o pasado 20 de xuño os concertos para a Semana Grande, enmarcadas dentro das Festas do Verán. Tequila, Fondo Norte, Ana Belén, Máxima in Sessions, Rozalén, Mitic, Iván Ferreiro, Beret e Lola Índigo conforman o groso das actuacións deste ano.
Polos escenarios das festas da Peregrina pasaron numerosos artistas nacionais e internacionais ao longo das súas edicións, o que supón unha gran oportunidade para a cidade, tanto a nivel cultural como a nivel económico. Isto débese a que a gran afluencia de turistas atraídos por este reclamo reflexa un envorco no sector da hostalería e no do comercio.
Nos anos máis recentes, os cidadáns de Pontevedra e os seus visitantes puideron gozar de grupos como Sidecars, Mägo de Oz ou os colombianos Morat, os cales o público estaría contento de volver ver. Tamén Malú é unha das artistas que lles gustaría escoitar de novo, posto que xa visitou a cidade por estas datas hai seis anos.
Os pontevedreses celebran a diversidade de actividades programadas para a Semana Grande das festas da Peregrina
Son os adolescentes os que máis pendentes estiveron do anuncio dos artistas que conforman o cartel de concertos e resaltan as actuacións de Beret, Lola Índigo e Rozalén –quedaría fóra do pódium, pero con mención especial, Iván Ferreiro–. Mentres que adultos e, sobre todo, os máis maiores descoñecen aínda os nomes que constitúen un dos maiores atractivos destas festas.
Ademais, estes dez días de festa contan con diversidade de actividades. Paralelamente ás actuacións que terán lugar en Praza de España, a verbena amenizará a noite na Gran Vía de Montero Ríos para aqueles que o prefiran. Este ano encargaranse de facer bailar aos pontevedreses e as visitantes orquestras como Os Latinos ou Despacito, que actuarán o venres 16, tomando a substitución que lles deixan outras como Fin de Século ou Bahía, que formaron parte da pasada edición destas festas.
Todo isto estará acompañado de actividades para os máis pequenos como o teatro infantil, atraccións recreativas, postos de venda ambulantes e xornadas taurinas, entre outras.
Beret, o mozo sevillano que comezou a súa carreira publicando as súas cancións en Youtube e que conseguiu esgotar as entradas en moitos dos seus concertos, volve á nosa comunidade. O cantante converteuse nun dos máis esperados do cartel, logo de pasar xa por Galicia en dúas ocasións este ano, unha en xaneiro –cunha actuación no Coliseum da Coruña– e outra sendo un dos case corenta artistas que actuaron fronte aos asistentes do festival O Son do Camiño.
Os pontevedreses suxiren para os próximos anos a artistas como Carlos Sadness, Sabina ou Vanesa Martín
Polo contrario, esta será a primeira oportunidade que Lola Índigo terá para pisar terras galegas e cativar ao seu público. Farao no marco da súa xira "Akelarre", á que dá nome o seu disco homónimo, publicado en maio deste ano. Achegará desta forma a Pontevedra unha mestura de ritmos dance, funk e trap para facer bailar a calquera que se achegue a vela cun repertorio no que seguro que non faltarán "Mujer Bruja", tema no cal se acompaña de Mala Rodríguez ou "Yo ya no quiero na' ".
Rozalén subirase a un escenario en Galicia pouco máis dun mes despois desde o último concerto que regalou a esta provincia, cando formou parte do festival Portamérica na Carballeira de Caldas de Reis. O público espera escoitar éxitos seus como "La puerta violeta" ou "Comiéndote a besos".
Se hai algo que está claro é que os pontevedreses, sexa ou non polo cartel de concertos, gozarán estes días de festas dedicados á Patroa da provincia.
Uns poucos explicaron que lles gustaría volver ver a Carlos Sadness, que xa formou parte das actuacións da edición pasada, e a Melendi, que pisou o escenario de Praza de España en 2011.
Fangoria é outra opción que contemplan os habitantes de Pontevedra, que nese caso, volverían para facer bailar a todos os grupos de idade con cancións como "Dramas y comedias" ou "Geometría polisentimental", os cales lles aseguraron o éxito en cada lugar no que a banda actuou.
Outros nomes moi repetidos son os grupos Vetusta Morla, o cantautor Joaquín Sabina e Vanesa Martín, a cantante malagueña de pop rock que compartiu esenario con artistas como Sergio Dalma, Manuel Carrasco ou Alejandro Sanz.
Algúns alegan, ademais, que a organización debería apostar máis pola música urbana que encabeza as listas de éxitos do país e do mundo, posto que contamos con artistas nacionais como Rels B, Cruz cafuné, Don Patricio ou Bad Gyal que atraen cada ano a máis xente e que pisan cada vez máis forte na escena musical de España.
Os máis pequenos esperan con impaciencia subirse ás atraccións e algúns "ver as flores", esta strong Batalla de Flores –que concentrará carrozas, charangas e grupos folclóricos o cuarto día de festas– convértese entón nun dos eventos que os maiores poderán gozar cos máis pequenos, posto que tamén mantén expectante aos adultos.
Estes últimos coinciden cos mozos en que estaría ben un aumento do número de postos de venda ambulante. Estes tamén concuerdan en que o ambiente que se apropia da cidade é o que máis gozan de todo o verán, xunto Feira Franca que o pecha en setembro.
Todos os grupos de idade coinciden no feito de que os fogos artificiais –que terán lugar os días 10, 15 e 18 de agosto no peirao das Corvaceiras– constitúen un gran atractivo, o cal esperan con ansia. Deles encargaranse este ano dúas pirotécnicas, Penide e Xaraiva.
A primeira pirotécnica encargarase das bombas de palenque e do espectáculo do inicio de festas da Peregrina. A segunda ocuparase dos lumes do fin de festa.
